الرئيس السيسى: “راعيت فى بيان 3 يوليو تماسك الدولة ومجتمعها
بالكامل..
“الدنيا كلها كانت بتقول فى 2013 هو الجيش سايبنا ليهم ليه؟!”
الدولة ملتزمة بتنفيذ توصيات المؤتمر الاقتصادى
كتب:علاء قنديل
قال الرئيس عبد الفتاح السيسي، إن كرم الله على مصر فوق الخيال، مضيفا: “والله والله والله كرمه على مصر فوق خيالكم، وعندما حدثت الأحداث، وساعتها لما جيت عملت البيان 3 يوليو كنت حريصا على تماسك الدولة المصرية ومجتمعها بما فيها هذا الفصيل، لأجل خاطر مصر”.
تابع الرئيس السيسي، في كلمته بالجلسة الختامية للمؤتمر الاقتصادي: “كنت موجود في مجلس الوزراء فكانوا بيقولولي إحنا عايزين نحافظ عليك، وأنت الأيقونة بتاعتنا، وأنت البطل، طيب هو البطل خلاص بقى ولا إيه؟ أنا ضهري ربنا، واللي يقدر على ربنا يتفضل”.
وأكمل: “أثناء ترشحي فيه 2 من الإعلاميين الأفضل -أقدرهم وأحترمهم- قالوا نعمل معاك لقاء، قلت طيب كويس، وبعد ما خلصت اللقاء معاهم قالولي إحنا ما نمناش امبارح، قلتلهم ليه، قالولي أصل أنت زجاج لا نحب لمسه لأن اللي اتعمل كتير جدا، وإحنا لازم نبقى شايفين وإحنا بنتكلم معاك نخلي بالنا، ولكن بعدها بكام شهر، كنا بنفتتح مشروع للمناطق الخضراء، فحد قال السجادة الحمراء ماشيين عليها! ياااه بعد كام شهر كده؟!، لأ انتوا مش عارفين السياق الإعلامي المطلوب لإدارة الدولة دي في المرحلة دي لمدة 20 سنة، السياق الإعلامي مش خدمة الرئيس ولكن خدمة الفكرة، أنت عايز توحد الجهود، أدبيات التعامل مع الواقع في ظروف غير مناسبة”.
تحدث الرئيس عبد الفتاح السيسي، عن الفترة في أعوام 2011 و2012 و2013، قائلا: “هقولكم شوية حاجات كده عشتها الفترة اللى فاتت، وتحديدا ساعة ما حصلت الأحداث بتاعت أعوام 2011 و2012 و2013”.
وأضاف الرئيس السيسي، خلال كلمته في الجلسة الختامية للمؤتمر الاقتصادي: “الدنيا كلها كانت بتقول هو ساكت ليه.. هو سايبنا ليهم ليه.. وهما هيعملوا فينا إيه.. الجيش يعرف اللى بيقوله ده كويس.. وبعض المفكرين يفهموا ده كويس.. الجيش جزء الدولة المصرية ومن الكيان ويخضع لرئيس الجمهورية”.
وجه الرئيس عبدالفتاح السيسى بأن يكون المؤتمر الاقتصادى منصة اقتصادية مستقرة تلتقى كل سنة، مضيفا: “نقول كشف حساب، وأنا كحكومة وقيادة يجيلى دوريات كل 3 شهور بالإنجاز اللى إحنا بنحققه”.
وأضاف الرئيس السيسي خلال الجلسة الختامية للمؤتمر الاقتصادي مصر 2022: “معملناش الحوار ده علشان نستهلك وقت وجهدكم وجهدنا وبعدين خلاص.. لا، الفعاليات اللى اتعملت والكلام اللى اتقال محترم مقدر، وملتزمون بتنفيذ التوصيات اللى تم التوافق عليها.. طيب لو الحكومة قابلت مشاكل وأكيد هتقابل، لابد يكون آليات المؤتمر مستقرة ومؤسسية وتكون موجودة مع الحكومة بشكل مستمر..علشان وإحنا متحركين في تنفيذ التوصيات قابلتنا مشكلة نتكلم فيها”.
وتابع الرئيس السيسي: “بالإضافة إلى التزامنا بتنفيذ التوصيات محتاجين منصة الحوار ومتفق معاكم يبقى المؤتمر يتعمل كل سنة، وافتكروا من 5 سنين أو أكتر كنا حريصين نعمل منصة حوار ومؤتمر للشباب يتم تناول قضايا الدولة ونجحنا في المحافظات كمان، وجت كورونا والظرف الأخير و 3 سنين مقدرناش نكمل بنفس المستوى”.
أكد الرئيس عبد الفتاح السيسي، أنه عند المشاركة فى المؤتمرات واللقاءات المختلفة لا يتحدث باعتباره رئيس مصر، قائلا: “انا مش بشارك كرئيس مصر.. وبالمناسبة ولما بقول الكلام ده الناس تفكر إننى بدغدغ مشاعر الناس.. انا مش بعتبر نفسي رئيس لمصر”.
وأضاف الرئيس السيسي، خلال كلمته في الجلسة الختامية للمؤتمر الاقتصادي: “انا إنسان طلب منه التدخل لحماية وطنه.. طب والله انا صادق.. أصل أدبيات الرئيس حاجة وأدبيات المواطن حاجة.. وأدبيات الرئيس حاجة.. وأنا مش عاوز يعيش وخلاص”.