ليشاركوها فرحتها بممارسة حياتها بشكل طبيعي ومستقل وما كان من والدها بان يساهم لتحقيق هذا الحلم فتقدم الى الحكومة المصرية مستغلا ما تشهده الدولة المصرية من تقدم ملموس في كافة ارجاء المعموره فضلا عن تعليمات القيادة السياسية بالنظر بعين الاعتبار لكل فئات الشعب وخص منهم ذوي الاحتياجات الخاصة لما يحتاجونه من رعايه خاصة من الدولة المصرية فكان مشروع سما الذي عرض على السيد الرئيس عبد الفتاح السيسي في معرض النقل الذكي 2020 فاعطى تعليماته بدعم هذا المشروع الانساني وبالفعل تحقق الحلم الذي تمنته سما ليرى النور وتعمل سما للعمل التطوعي في خدمة ذوي الاعاقة وتقديم العون لهم وتستعد لتكوين كيان لتقديم خدماته لذوي الاحتياجات الخاصة ولنا معها هذا اللقاء رحبنا بسما وسالناها ؟
حوار حازم شوقي
ممكن تعرفينا بنفسك ؟
انا سما ايهاب ابو العز بنت مصرية عندي 18 سنة ادرس ادارة اعمال في احدى الجامعات المصرية نشات في دولة الامارات العربية المتحدة لطبيعة عمل والدي هناك.
ماهي طبيعة مرض سما ايهاب الذي سبب لها هذه الاعاقة؟
هو ضمور العضلات الشوكية الذي ادى الى اعاقة حركة وعدم القدرة على المشي
هي يوجد علاج لهذا المرض؟
لم يكن هناك علاج لهذا المرض وظهرت مؤخرا بعض انواع العقارات خارج مصر ومن حظنا الجميل ان يامر الرئيس عبد الفتاح السيسي بتوفير العلاج في مصر لعلاج ابناء شعبه من هذا المرض السيئ رغم غلاء سعره جدا خارج مصر الا انه اولاده المصريين كانوا اغلى عنده من ثمن الدوا الذي تحملته الدولة المصرية ليتخلص ابناء شعبه من معاناة استمرت عقود من الزمن كما فعل مع مرض فيروس سي وخلص الشعب المصري من هذا المرض الذي قضى على الكثير من المصريين – دموع تذرف من عيني سما اثناء شكر سيادة رئيس الجمهورية –
كيف واجهت سما مشكلتها وتغلبت على اعاقتها؟
رضيت بما قسمه الله لي وبحكمته سبحانه وتعالى كنت احد المصابين بهذا المرض وفكرت ايجابيا وتعاملت معاه متخيلة نماذج تحدت الاعاقة وحققت نجاحات في مجالات مختلفة وتعايشت مع المرض وامارس حياتي بشكل طبيعي
هل تمارس سما هواية معينة؟
نعم امارس هواياتي اللي بحبها واكثر حاجة بحبها متابعة الازياء والموضة والتجميل واتابع كل ما هو جديد في هذا المجال ده وكمان بحب هواية القراءة جدا ومتابعة المسلسلات الدرامية على القنوات
من يقف خلف سماء؟
الحمد لله رب العالمين ربنا رزقني باسرة جميلة جدا بتقف معايا في كل حاجة وخاصة بابا ايهاب اللي دايما بيحاول يسهل علي اي حاجة ويهون علي اي صعب
ماذا قالت سما للرئيس السيسي في معرض النقل الذكي 2020؟
انا عبرت للرئيس السيسي عن سعادتي بالسيارة التي تجاوزت بها كل الصعاب التي كانت بتواجهني وان بابا ساعدني على تحقيق حلم كنت بحلم بيه ولكل اللي في زي ظروفي وبكيت من شدة السعادة بتحقيق الحلم ولقاء الرئيس السيسي اللي حسيت منه بحنان الاب على اولاده من ذوي الهمم والاحساس كان مباشر ونفس الاحساس اللي كنت بشوفه منه في وسائل الاعلام وصفق الرئيس السيسي لي تشجيعا على فكرتي اللي كنت بسعى بقوة لتنفيذها وامر بدعمنا لاتمام المشروع والنهاردة عايزه اقولك يا ريس اني حققت حلمي اللي شجعتني عليه.
ممكن سما تقولنا على الصعوبات الي كانت بتواجهها؟
كانت بتواجهني صعوبات في حياتي العادية في الانتقال من والى اي مكان لاني كان لازم احتاج حد يساعدني علشان اركب السياره او التاكسي وده كان بيخليني اتحرك في اضيق الحدود وللامور الهامة جدا وكنت متضايق لو حد غريب هو اللي هيساعدني خصوصا بعد ما كبرت وبقى الموضوع اصعب وبيسبب لي ضيق وكسوف باعتمادي الدايم على اي حد في الشيل والحط وتلاشى كل ده مع وجود السياره المجهزة فاني اللي حققت لي الاستقلالية لي ولاي حد هيستخدمها.
ماهي نظرة سما المستقبلية وبتحلم بايه؟
عايزه اكون سيدة اعمال والناس كلها تعرف ان مفيش حاجة اسمها مستحيل ولا اي حاجة تمنع اي حد من تحقيق احلامه طالما ربنا مدينا قدرات ثانية نقدر نستغلها كويس جدا واننا نتحدى اي اعاقة تمنعنا من تحقيق احلامنا ولازم دايما نفكر بايجابية وتفاؤل
ماذا حقق لك مشروع فاني؟
مشروع فاني خدمة مميزة جدا ممكن النهارده اي حد من ذوي الهمم او كبار السن استخدامها باستقلالية تامة وبدون ما حد يلمسه لان السياره مجهزة باسانسير بيرفع الكرسي المتحرك وكمان فيها كرسي متحرك للي عايز الكرسي ويقدر يروح اي مكان هو عايزه بمجرد ما يطلب من التطبيق الخاص بفاني على المحمول بتاعه وكمان وسيله انتقال كريمة لذوي الهمم ومريحة وراقية وامنة كمان جدا
هل فاني وسيلة انتقال عادية؟
فاني تتميز بوجود سائق مدرب على التعامل مع ذوي الهمم بيسوق السياره باحترافية كاملة وبسرعات معقولة جدا واقصى سرعة 90 كم في الساعة. وفاني بتقدم كمان خدمات ترفيهية مسلية اثناء الرحلة على شاشة عرض داخل السيارة وممكن تطلب مساعد لو حد محتاج ينزل من عماره في دور عالي مثلا وفاني مشروع متكامل لذوي الهمم.
ما دور الدولة المصرية في تحقيق حلم سما؟
بصراحة انا مهما اوصف التسهيلات اللي قدمتها لنا الدولة مش هوفيهم حقهم سيادة الفريق كامل الوزير وزير النقل اللي كان بيتابع كل حاجة بنفسه شخصيا علشان ننفذ الخدمة الانسانية دي والمهندس السيد متولي المدير التنفيذي لجهاز النقل البري الداخلي والدولي كان بيتحرك بنفسه علشان يساعدنا في انهاء اجراءات مشروعنا انا مش عارفة اشكرهم ازاي مهما شكرتهم مش هوفيهم حقهم.
ماذا تطلب سما من الحكومة المصرية؟
انا نفسي ان سيارات ذوي الهمم تتعامل معاملة سيارات السياحة بالاعفاء الجمركية علشان نقدر نوفر خدمة بتعريفة قليلة تناسب كل القدرات المادية لكل فئات الشعب المصري وتعمل حظر بيع باي عدد من السنين مش مهمز المهم
سما هتختم لقاءنا هتقول ايه؟
انا عايزه اقول اننا محظوظين اننا عايشين في عصر الجمهورية الجديد اللي بتحقق لنا احلام كثير قوي كنا بنتمناها زي ما وعدنا الرئيس عبد الفتاح السيسي ودعمه الدائما لينا احنا ذوي الهمم وكل مرضى ضمور العضلات بتوفيره العلاج على نفقة الدولة رغم غلاء سعره وياخده المصريين ببلاش وانا بالفعل سجلت للحصول على علاج ضمور العضلات وندعوا جميعا لفخامة الرئيس على اللي بقدمه لينا ولكل المصريين ويراب اقدر اساعد الناس كلها اذا ربنا اراد لي الشفاء بعد تلقي علاج ضمور العضلات
شكرا سما ونتمنى لك الشفاء وكل التوفيق والنجاح
